DAVAO CITY – Napatay ang duha ka mga sakop sa New People’s Army (NPA) sa tinguha nga subling mabawi ang gideklara na nga cleared Barangay.
Natigayon ang panagsangka mga alas 3:25 sa hapon kagahapon tali sa mga sakop sa 3rd IB Philippine Army batok sa 30 ka mga komunistang rebelde nga gikatuohang sakop sa PBC 2 ug PBC 3 tanan sa Southern Mindanao Regional Committee (SMRC) ubos sa usa ka alyas Bobby nga naglihok sa Barangay Carmen, Baguio District, ning dakbayan sa Davao.
Samtang alas 5:34 sa hapon sa samang adlaw, samtang ang mga sakop sa tropa sa kagamhanan misubay sa dapit ilang gikasangka ang lain pundok sa kasundalohan.
Nabati ang sun od-sunod nga boto sa mga armas nga milungtad ug lima ka minuto.
Ang unang panagsangka milungtad ug duha ka oras.
Misangpot kini sa pagka-angol sa usa ka sundalo sa kagamhanan, samtang duha ka mga sakop sa mga rebelde ang napatay, ug na-recover sa kasundalohan ang usa ka improvised exolossive device (IED).
Dali nga gikuha sa military helicopters gikan sa Tactical Operation Group (TOG) 11 aron nga mohatag ug suporta sa nakigsangka nga tropa. Ang samdon nga sundalo gidala sa Camp Panacan Hospital.
