NPA misurender dala ang iyang AK47 ug uban pang gamit sa gubat

DAVAO CITY – Dugang pang sakop sa New People’s Army ang mitahan balik ngadto sa kagamhanan dala ang iloang armas.

Si alyas Dodoy nga sakop sa Pulang Bagani Command 4, boluntaryo nga mitahan sa 60th IB.

Gitug-an ni Dodoy kung asa niini gibilin ang pipila ka mga gamit sa ilang pakiggubat sa Barangay Bolokan, Laak, Comval ayha pa kini mitahan kagahapong adlawa.

Kalakip sa war materials nga gipangbilin mao ang AK47 nga armas, ug lima ka round sa bala, improvised hand grenade, blasting cup, detonating switch, baterya ug sento singkwenta metros nga wire.