DAVAO CITY – Napatay ang giilang Top 4 High Value Individual sa usa ka buy-bust operation nga gipahigayon sa Doña P. Ramos St, Barangay Angliongto, Davao City bandang alas-12:35 sa kaadlawaon, kagahapon.
Atol sab sa operasyon, nakumpiska ang nasa P128,000 nga kantidad sa mga ilegal nga droga.
Giila sa Sasa Police ang suspek nga si Antonio Guerra Araño alyas Taba, 36 anyos, walay trabaho, ug residente sa Purok 5, Bay View, Km. 11, Sasa, Davao City.
Unang napalitan sa nagpailang poseur buyer ang suspek og usa ka dagkung putos sa shabu sa kantidad nga P16,000. Apan pagkamatikod sa suspek nga pulis na diay ang iyang katransaksyon, nasangko kini sa duguong engkwentro diin nagbaloanay og bala si alyas Taba og ang mga otoridad.
Napusilan ang suspek nga gitabang pa sa Southern Philippine Medical Center apan nakabsan gihapon sa kinabuhi.
Nakuha gikan sa iyang disposisyon ang mga bala sa .45 ug .999 nga pistola; usa ka .45 nga pistola nga dunay 3 ka buhing bala; upat ka sachet o 4 gramos nga gituohang shabu nga nagkantidad og P64,000; ug usa ka balot sa gituohang shabu nga nasa 3 gramos ang gibuhaton ug nagkantidad og P48,000.
via || Bombo LJF
