“Basta igat, sikat”, mao kini ang nahimong pamahayag sa mga netizen human nga nahimong emosyonal ang non-showbiz ex-partner ni Anthony Jennings nga si Jamela Villanueva, diin aduna matud pa kini gi post sa iyahang Instagram account labot matud pa sa tinuod nga hinungdan og nganong nagkabulag sumala pa kini sila ni Anthony.
Sa iyahang mensahe, iyahang gipadayag ang iyahang kasakit gumikan sa iyahang mga nahiaguman matud pa nga mga hungihong, ug mga personal attacks, gumikan sa iyahang pagpabiling nagpakahilom sa pipila ka mga bulan, apan sa karun, nakaako na sumala siya og “lakas ng loob” aron nga depensahan na sab niya ang iyahang kaugalingon ug ang iyahang pamilya.
Pagpaklaro ni Jam nga ang iyahang intensyon matud pa mao ang pagpadayag lamang sa iyahang kasakit og dili aron nga magmugna lamang og drama sa social media.
Lakip sa gipost niini mao ang mga screenshots niini sa conversation ni Maris Racal ug sa iyahang ex-partner nga si Anthony, niadtong panahon nga nagkaipon pa sila niadtong mga tungura.
Gipakita niini nga aduna matud pay higayon nga nagabayloay og sent og mga intimate pictures si Anthony ug si Racal, bisan pa man nga wala pa kini sila nagkabulag niadtong mga higayona.
Sa pagkakarun, daghang mga netizens usab ang nangasuko gumikan sa nahimong exposé ni Jam labot sa pagpangluib ni Anthony sa iyaha.
Adunay nagkanayon nga hilabihan na sumala pa ka bigaon si Maris gumikan wala na kapugngan ang kaugalingon nga bisan aduna nay gubin ang lalake, makiglambigit gihapon sa kasal-anan.
