DAVAO CITY – Gisugdan na karon sa lokal nga panggamhanan ang pagpatuman sa “No Permit, No Sailing” policy sa tanan nga mga chartered boats nga naglawig sa Island Garden City of Samal sugod Abril 12. Ang “No Permit, No Sailing” policy gipatuman human ang impormasyon nga ang chartered boats nga naglawig gikan sa pantalan sa dakbayan alang sa island hopping sa local ug foreign tourists ang nag-operate nga walay city permit.
Nasayran sab nga amg mga operators sa mga chartered boats ang nagkuha lamang ug permit sa Island Garden City of Samal (IGACOS) government ug sa Maritime Industry Authority (MARINA).
Wala sumala pa sa mga nahisgutan ang nakakuha ug mayor’s permit gikan sa lokal nga panggamhanan dinhi sa dakbayan.
Sumala pa kang Neil Michael Galaura, Licensing Officer sa Davao City Business Bureau Office, nagpahigayon na ang ilang buhatan ug information campaign sa mga boat operators kalabot sa pagkuha ug permit gikan sa siyudad.
Sa kasamtangan, nakalista sumala pa ang Business Bureau ug 25 chartered boat operators.
Gitino sab ni Galaura nga dili igo ang gi-isyu nga permit gikan sa IGACOS ilabi na nga nagpahigayon sab sila ug negosyo dinhi sa dakbayan.
