DAVAO CITY – Pabilin nga tak-um ang baba ni Konsehal Nilo “Small” Abellera Jr human giduhig sa Davao Group nga matud pa mihimo ug transaksyon sa Bureau of Customs (BOC).
Wala sab magpakita ang konsehal atul sa gipahigayon nga regular session sa 18th City Council sa Davao.
Una na nga gikumpirma ni Customs broker Mark Taguba atul sa pagdungog sa Senate blue ribbon committee may kalabutan sa P6.4 billion kantidad sa illegal nga druga nga gipayuhot gikan sa China niadtong bulan sa Mayo, nga si Abellera ang “Small” nga gikanayon niining miyembro sa Davao Group kauban sila alyas Tita Nanie, ug Jack.
Dugang pa ni Taguba nga nahimamat niya si Abellera sa dakbayan sa Davao niadtong bulan sa Enero ug mitunol ug P5 million isip “enrollment fee.”
Ang nahisgutan nga bayronon mao sumala pa ang mutugot sa iyang shipments nga yanong mapalabang sa BOC.
Gikanayon sab ni Taguba nga gikinahanglan kini nga mubayad ug P10,000 matag container o gibana-banaang P1-million nga bayronon matag semana.
Samtang gikanayon sab nga si Vice Mayor Paolo Duterte ang mipaluyo sa nahisgutang grupo.
