DAVAO CITY – Namatikdan sa Davao City Health Office Tropical Division ang mas ubos nga ihap sa dengue cases gikan sa Enero hangtud sa Pebrero niining tuiga kung itandi sa samang panahon niadtong 2016.
Sumala pa kang Tropical Diseases Prevention and Control Division head Elizabeth Banzon, nga naka-tala sila ug kinatibuk-an nga 310 ka mga kaso alang sa Enero hangtud sa Pebrero ning kasamtangan nga tuig nga mas ubos tandi ngadto sa 780 ka mga kaso sa samang panahon niadtong 2016.
Sumala pa kang Banzon niining tuiga nakatala lamang sila ug 175 ka mga kaso sa Enero 2017, nga mas ubos kaysa 400 ka mga natala nga kaso niadtong 2016.
Niadtong Pebrero, ang dengue cases miubos sab ngadto sa 135 ka mga kaso niining tuiga gikan sa 380 ka mga kaso niadtong 2016.
Sumala pa sab kang Banzon nga niadtong Marso nakatala sila ug 27 ka mga kaso ug usa ang gikatala nga patay gumikan kay wala gilayon ma-atiman sa mga mananambal.
Ang gikatala nga patay mao ang usa ka dies anyos nga batang babaye sa Bacaca.
Dugang pa niya nga hagit pa gihapon sa ilang buhatan ang pasgpakubos sa ihap sa mga nangamatay gumikan sa nahisgutan nga balati-an.
Dugang pito ka mga gikatala nga patay sa Enero sa mga tuig 2016 ug 2017.
Sa kasamtangan dunay, mga anti-mosquito task force nga gi-organisa sa 182 kamga kabarangayan sa dakbayan.
