DAVAO CITY – Subling mapalit karon sa mga palengke sa dakbayan ug sa Island Garden City of Samal and National Food Authority (NFA) rice nga tag P27.00 matag kilo.
Mapalit kini sa Panglengke sa Agdao, Bankerohan, Calinan, Toril, Boulevard, Matina, Buhangin, Bunawan, Lasang, Tibungco, Sasa, Panacan ug Mintal dinhi sa dakbayan sa Davao ug sa Babak, Peñaplata, Kaputian, ug sa Talikud sa Island Garden City of Samal (IGaCoS)
Sumala pa kang Lorita Soratus, financial Officer sa National Food Authority (NFA) nga limitado lamang ang kilo nga mapalit sa mga konsumante, gumikan kay ubos karon ang inventory sa NFA Rice.
Gipahimangno karon sa NFA ang mga NFA retailers nga segurohon nga mga konsumante lamang ang baligya-an aron nga dili makapahimulos ang uban nga mga negosyante nga naga-angkat.
Gipasalig ni Soratus nga abli ang NFA outlet gikan sa alas 6:00 sa buntag hangtud sa alas sais sa gabii, gawas lamang sa adlaw nga Dominggo, diin duna’y mga dealers nga mosimba una.
