NFA, mipasalig nga adunay igo nga suplay sa bugas ang nasud

Gibutyag sa National Food Authority (NFA) nga aduna’y igo nga suplay sa bugas sa nasud, ilabi na karong panahona sa krisis sa Tungang Sidlakan.

Sumala ni NFA Administrator Larry Lacson, sa kasamtangan aduna’y 8 milyon ka sako sa bugas ang nasud nga igo kining molungtad og hangtod napulo ka adlaw.

Samtang ang 2 milyon ka sako andam na ipang-apod-apod.

Gikanayon usab sa opisyal nga ang mga lugar nga adunay daghang suplay sa bugas makahimo sa pagtabang aron mapuno ang stock sa ubang lugar.

Aron masiguro nga aduna’y igo nga suplay sa bugas sa tibuok nasud sa panahon sa kalamidad ug emerhensya, wala gi-apod-apod sa NFA ang tanang stock sa P20 kada kilo nga bugas nga programa.