DAVAO CITY – Gitino sa National Food Authority (NFA) Davao nga walay kakulangon sa bugas sa Davao region inay nagkulang lamang sumala pa ang stocks sa NFA rice.
Matud pa kang NFA Davao City Manager Leonila V. Selpa nga walay available nga stock sa bugas sa ilang warehouse sukad Marso 15.
Gikanayon ni Selpa nga gilaoman nila ang nationwide arrival sa 100,000 metric tons sa NFA rice sa ulahing semana sa Mayo samtang dugang 100,000 metric tons sa Hunyo June 15 ug 50,000 metric tons sa Hunyo 30.
Naggikan sumala pa kini sa Vietnam ug Thailand ug ipang-apud-apud sa mga nagkadaiyang NFA branches sa nasud.
Gitataw sab sa opisyal nga ang programa nga “Tulong sa Bayan” sa Department of Social Welfare and Development (DSWD) ang magpadayon hangtud nga mo-abot ang mga bag-ong supply sa NFA rice gikan sa rice importers.
Tumong sumala pa sa maong programa nga ibaligya ang mga commercial rice sa P39 lamang matag kilo isip alternatibo sa NFA Rice.
Dinhi sa dakbayan sa Davao, adunay 26 ka mga accredited ‘Tulong sa Bayan’ service outlets.
Gipasalig sa opisyal nga ang bugas nga gibaligya ang anaa sa maayo nga kalidad ug gimonitor sumala pa kini matag adlaw.
