DAVAO CITY – Gipahayag sa Philippine Atmospheric, Geophysical and Astronomical Services Administration (Pagasa) Davao, masinati-an sugod karong bulana, bulan sa Marso ang neutral weather conditions homan sa nasinati-ang tag-ulan.
Subay niini, gipahayag ni Chief meteorologist Lita Vinalay, ang latest climate outlook sa Pagasa ang rainy season nga hatud sa La Niña gikatakda na nga matapos ug pulihan kini sa neutral weather conditions apan masinatian pa gihapon ang panagsa nga pag-ulan.
Dugang gipahayag sa tinubdan nga sukad sa tuig 2021 nasinatian ang La Niña hinungdan sa taas-taas nga panahon sa pag-ulan bisan pa man nga misulod na ang dry months.
Gumikan sa neutral conditions sa mosunod nga mga bulan, lauman matud pa ang mas init nga temperatura.
Samtang lauman usab nga masinati-an ang El Niño karung tuiga partikular na sa bulan sa Hunyo o Hulyo ning tuig kasamtangan.
