Gipadayag ni Israeli Prime Minister Benjamin Netanyahu ang iyang determinasyon nga sakupon ang tibuok Gaza isip usa ka lakang aron mapukan ang Hamas ug matapos na ang halos duha ka tuig nga kagubot sa rehiyon. Gipasabot niya nga kini ang nakitang solusyon aron makab-ot ang dugay nang gitinguhang kalinaw sa teritoryo.
Gilauman nga kuhaon ni Netanyahu ang pag-uyon sa iyang gabinete aron masugdan ang plano. Apan giinsistir sa lider nga dili tinuod nga ilang angkonon ang Gaza. Sa baylo, magbutang sila og security perimeter nga magkontrol sa lihok sa mga grupo nga nagmugna og kagubot.
Sumala pa sa Prime Minister, plano usab nila nga ipaubos ang rehiyon sa mga pwersang Arabo nga motabang sa pagdumala ug pagpahiuli sa normal nga kinabuhi sa mga residente. Tumong sa plano nga mapauswag ang kabuhayan ug makahatag og dugang seguridad sa mga lumulupyo sa Gaza.
