Gipanawagan sa grupo sa mga negosyanteng Filipino-Chinese sa gobyerno sa Pilipinas ug China sa paghupay sa nagkataas nga tensyon sa West Philippine Sea pinaagi sa dayalogo sa neyutral ug diplomatikong paagi.
Gipangunahan sa Federation of Filipino Chinese Chambers of Commerce Industry, Inc. (FFCCII) uban sa laing 32 ka Filipino-Chinese business ug civic federations ang joint statement taliwala sa mga bag-ong insidente sa ginalalisang kadagatan.
Matud pa sa grupo nga ilang gisuportahan ang panawagan ni President Marcos alang sa diplomatikanhong pagdumala sa duha ka mga nasud ingon man sa panawagan sa presidente alang sa usa ka malinawon nga resolusyon sa panagbangi.
Ang grupo usab nagtuo nga pinaagi lamang sa constructive dialogue ang 2 ka panig makakita og komon nga basehan nga mahimong moresulta sa usa ka hapsay nga resolusyon sa duha ka mga nasud nga walay pagbasol ug pagkondena.
