Nadakpan ang usa ka negosyante atol sa gilusad nga buy-bust operation sa mga otoridad sa Purok.Lemonsito sa Brgy. Mankilam, Tagum City pasado alas dyes sa gabii.
Subay sa report sa kapulisan sa Tagum PNP nga gipahigayon ang operasyon sa RPDEU XI, Tagum City Police Station, SOU PNP Maritime Group RMFB XI ug 1ST DNPMFC nga mi resulta sa pagkadakop kang Alyas Dadang, 49, minyo ug residente sa Bagong Silang Quezon City.
Napalitan sa poseur-buyer ang suspek ug usa (1) ka pakete sa iligal nga droga kon shabu kambyo sa giandam nga buybust money sa kapulisan.
Samtang sa nakumpiska sab ang dagkong mga pakete sa iligal nga droga nga sa kinatibuk-an nagkantidad kini ug Php 3,400,000 nga mitimbang ug halos 500 grams.
Nakumpiska sab sa nahisgutan ang cellphone nga gigamit sa transaksyon ingon man ang motorsiklo.
Sa pagkakaron ang dinakpan ang anaa na sa kostudiya sa Tagum PNP ug pasakahan kini ug kasong pagsupak sa RA 9165.
