NCIP-11 gipasalig nga anaa sa maayo ang kahimtang sa mga lumad luyo sa bahad sa covid-19

DAVAO CITY – Gipasalig sa National Commission on Indigenous People (NCIP) nga anaa sa maayo ang kahimtang sa mga lumad ug dili pa kini apektado sa Corona Virus Disease (Covid-19) apan gipasalig nila nga magpadayon ang pagtabang sa ahensiya ilabi na ang paghatag ug panginahanglanon sa  mga lumad sama na lamang sa pagkaon.

Sumala pa kang Atty. Geroncio Aguio, regional director sa NCIP-11, nakiglambigit sila sa buhatan sa Department of Agriculture (DA)  kini aron masiguro ang bastante nga supply  sa pagkaon alang sa mga lumad.

Giila ni Aguio nga dakong tabang ang gihatag nga pagtagad sa mga nahisgutan dili lamang sa food security kung dili lakip na ang pagpatuman ug uban pa nga mga proyekto sulod sa ancestral domain.