Gipahayag sa National Commission for Culture and the Arts (NCCA) nga mupahigayon sila ug state necrological services dungan sa pagdetalye sa lubong kang Nora Aunor, nga nakabsan sa kinabuhi niadtong adlaw nga Miyerkules, Abril 16 sa edad nga 71-anyos.
Matod pa sa NCCA, ang filmography ni Nora Aunor ang adunay mosobra sa 170 ka mga pelikula ug ang mga pasidungog niini nga mga Award gikan sa lokal ug internasyonal, ang nagpamatuod sa dakong contribution niini sa industriya sa pelikula.
Giila usab si Nora sa mga paghupot niini susama sa kadaugan sa Best Actress sa Gawad Urian ug FAMAS kaniadtong 1976 alang sa pelikulang ”Tatlong Taong Walang Diyos.”
Nakadawat usab kini ug Lifetime Achievement Award gikan sa Film Academy of the Philippines kaniadtong 1993 ug gideklara nga National Artist for Film and Broadcast kaniadtong 2022.
Gawas sa iyahang pagka-aktres, sikat usab kini nga mang-aawit sa mga kantang ”Pearly Shells” ug ”Tiny Bubbles.”
Kahinumduman nga gipaambit sa iyahang anak nga si Ian de Leon ang balita sa kamatayon sa inahan ug gikanayon nga ang inahan niini mao ang tinubdan sa unconditional love, kusog ug ka-init. Si Nora Aunor ang gikasal kang Christopher de Leon kaniadtong 1975 apan nagbulag sila ug gi-annul ang ilahang kasal kaniadtong 1996.
Nagbaton sila ug lima ka mga anak ug kini mao si Ian, Lotlot, Matet, Kiko, ug Kenneth.
