Nakaandam na karon nga moatubang sa imbestigasyon si NBI XI Regional Director Atty. Arcelito Albao kabahin sa alegasyong binayran kini ni Pastor Apollo Quiboloy.
Alayon kini sa gipaguwa nga pamahayag ni Arlene Stone, kanhi miyembro ng KOJC nga matud pa kalakip si Albao sa natagaan og envelope sa pastor rason nga andam kining panalipdan ang gikahimutangan niini.
Dugang pa ni Arlene, pakitang tao lamang matud pa ang bag-ohay lamang nga pagserve og warrant of arrest sa NBI XI sa KOJC Compound kaniadtong nakalabayng adlaw.
Kahinumduman nga nahimong malinawon ang maong operasyon diin taliwas sa nahitabo kaniadtong HUnyo 10, butang nga gidayeg sa KOJC members.
Sumala pa ni NBI XI Regional Director Atty. Arcelito Albao, andam siyang mo-atubang sa sa imbestigasyon sanglit nasayod kini sa kamatuoran.
Dugang pa sa opisyal, dugay na ang mga kagubot ug isyu sa KOJC bisan paman wala pa kini sa Davao City rason nga impossible mtud pa ang alegasyon sa kanhi myembro sa KOJC nga bribery.
Pagpasabot pa ni Albao, kalakip ang ilang buhatan sa nanghinaot nga magpakita ug madakpan ang pastor uban ang lain pa niining kaubanan aron nga matagaan na og katin-awan ang mga alegasyon nga gipasaka batok sa pastor.
Sa karon, padayon sab ang pagpaningkamot sa NBI XI nga makita si Pastor Apollo Quiboloy.
