Gikontra sa National Bureau of Investigation (NBI) ang pahayag sa 18 ka mga indibidwal nga nagpaila nga kanhing myembro sa Marines nga nagbutyag nga migamit sila og air taxi flight aron maghatod og maletang kwarta sa balay ni Ferdinand Marcos Jr. sa Ilocos Norte.
Sumala kang NBI Director nga si Atty. Melvin Matibag, wala silay nakitang bisan unsang flight logs nga makapamatuod nga gidala sa kanhing kongresista nga si Zaldy Co ang maong kwarta.
Sumala pa ni Matibag, gikan pa sa 2023 hangtod 2025 ilang gisusi ang mga flight records apan wala’y nakitang biyahe nga nalambigit kang Co ug pipila ka opisyal.
Una nang gibutyag ni Sgt. Belnard Tube nga giuban siya ni Co paingon sa Ilocos Norte aron ihatud ang maletang kwarta ngadto sa pangulo.
Kahinumduman nga una ng gitahasan ang NBI sa pag-imbestiga sa mga gipangbulgar sa giingong 18 ka mga indibidwal nga mi-angkon nga sila ang naghatod og maleta nga kwarta ngadto sa lain-laing opisyal sa gobyerno lakip na si Pangulong Marcos Jr.
