DAVAO CITY – Mukabat sa 50 ka mga reklamo mahitungod sa cybercrimes ang madawat sa NBI SEMRO XI matag bulan. Matud pa, kasagaran sa mga reklamo adunay kalabutan sa cybercrime ug investment scams.
Kabahin niini, mipahimangno si NBI SEMRO XI Regional Director Atty. Arcelito Albao nga mag-igmat ilabi na og adunay madawat nga mga imbetasyon kon muingganyo nga muapil o mag-invest og kwarta tungod paspas ang tubo niini tungod usa kana ka senyales nga scammer ang katransaksiyon.
Adunay international syndicate ang nagpaluyo sa maong pagpangilad hain gilangkuban kini og grupo sa mga liderato sa Nigeria diin Pinoy ang kasagarang target kon biktima.
Usa na niini ang love scam hain kahinumdumang adunay pipila ka mga kaso nga natala ang buhatan sa Bureau of Custom diin una kuhaon sa scammer ang pagsalig sa iyang kachat pinaagi sa pagpadala og mga tam-is nga mensahe ug pagbuhat sa biktima isip nobya.
Dugang pa, adunay daghan nga napasakaan na og kaso kalabot sa nahisgutang pagpangilad apan wala gihapon natagam ang maong grupo tungod daghan matud pa og technique ang maong mga scammer.
Hinuon, mibutyag si Albao nga ugaling adunay mga klase sa tawo nga muduol kon musugyot og mga “too good to be true” nga investment, mas labing maayo nga ipadangop dayon kini sa ilang buhatan aron nga di na daghan pa og mailad.
via || Bombo DMB
