Gikunsedera sa kasamtangang direktor sa National Bureau of Investigation nga usa ka harassment ang bag-ong reklamo nga gi-atubang ni Department of Justice Sec. Jesus Crispin Remulla sa Office of the Ombudsman.
Gipahayag ni Retired Judge Jaime Santiago, nakita niini ang pagsulay sa pagpugong ug pang-ipit lamang ang gipasakang reklamo ni Atty. Ferdinand Topacio sa Ombudsman.
Kahinumduman, nagpasaka ang abogado ug reklamong arbitrary detention batok kang NBI Dir. Santiago ug Justice Sec. Remulla sa Ombudsman.
Kini ang adunay kalabutan sa pagkaaresto ug pagkadetene ni Cassandra Li Ong ug Shiela Guo niadtong milabay nga tuig.
Apan gikanayon ni Ret. Judge Santiago nga ang nahisgutang reklamo ang nagtumong lamang nga dili makabaton ug clearance si Justice Sec. Remulla sa Ombudsman.
Kini ang usa sa mga requirements sa Judicial and Bar Council aron mahilakip sa mga nominado o shortlist sa posisyong pagka-ombudsman.
