Gilusad sa gobyerno ang nationwide rice price monitoring aron i-assess ang epekto sa rice tariff reduction sa tibuok supply chain, gikan importers hangtod retailers.
Matud pa nga ang Department of Trade and Industry kon DTI ang nakipagtinabangay na sa Department of Agriculture sa paglusad og ‘extensive price monitoring initiative’ diin naglangkob kini sa lapad nga range sa retail markets, lakip na ang mga supermarkets, hypermarkets ug grocery stores ubos sa hurisdiksyon sa DTI ug bisan ang wet market ubos sa Department of Agriculture.
Una na niini, gipagawas ni Pangulong Ferdinand Marcos Jr. ang Executive Order 62 niadtong milabayng buwan, diin tumong niini nga makuhaan ang taripa sa bugas gikan 35% ug himuon kining 15% ug taripa sa uban pang agricultural products.
Sigon pa ni Trade Secretary Alfredo Pascual, chairman sa National Price Coordinating Council kon NPCC nga nagpabilin gihapong lig-on ang departamento sa hugot nga monitoring ug analysis sa pag-usab-usab sa presyo sa bugas.
Dugang pa niini nga ang maong mga date-driven reports ang magpahibalo sa desisyon sa mga nagapanda og balaod aron masiguro ang bastanteng supply sa bugas, distribution ug presyo niini.
Gilangkuban sa mga kalihim sa departamento sa kalakalan ug argikultura ug bisan ang representante sa consumer, agricultural, trading ug manufacturing sectors.
Ang NPCC ang adunay importante nga papel sa pakiglambigit sa pagpaningkamot sa gobyerno aron palig-onon ug kontrolon ang presyo sa importanteng mga baligya ug nag-unang palaliton.
