DAVAO CITY – Gumikan karon sa taas nga turnout sa vaccinees sa milabay nga National Vaccination Day, laraw karon sa Department of Health (DOH)-Davao nga magpahigayon ug laing mass vaccination drive sa Pebrero 11 hangtud 12, 2022.
Sumala pa kang Dr. Janis Olavides, focal person sa Covid-19 Vaccination Program sa DOH-Davao nga subay sa datus, nga dihang gipahigayon dinhi sa Davao region ang national vaccination days, misaka ang coverage o daghanang tawo ang miadto sa mga vaccination sites.
Sa higayon nga himuon kini pag-usab, mas hatagan sumala pa ug pagtagad ang mga katigulangan ingon man pa-promotar sa booster shots alang sa mga hamtong ilabi na nga mas taas ang mortality rate sa Covid-19 cases sa mga senior citizens hinungdan nga kinahanglan palig-onon pa ang pagbakuna sa mga nag-edad ug 60 anyos pataas.
Kabahin sab sumala pa sa vaccination drive ang general adult population ug minors ages ang 12 hangtud 17 anyos.
Samtang gikanayon sab ni Olavides nga sa umaabot nga mga semana, lauman nga bag-ohon sa DOH-Davao ang benchmark sa vaccination target subay sa 2022 projected population sa Davao Region gikan sa kanhi 2021 population.
Sa milabay sumala pa nga tuig, laraw sa DOH-Davao nga mabakunahan ang tibuol populasyon nga adunay gibana-banaang 5.3 million gikan sa inisyal nga target sa 70 percent sa kinatibuk-ang populasyon.
