-- ADVERTISEMENT --
DAVAO CITY – Mokabat ngadto sa 54 ka mga SWAT team sa nasud ang gikatakda nga managsangka sa Bato National SWAT challenge.
Sumala pa kang Police Senior Supt. Jose Bayani Gostela, Deputy Regional Director for Operations mokabat ngadto sa 54 ka mga team ang naka-rehistro alang sa nahisgutan nga kompetisyon.
Sa DCPO usa ka team lamang ang mosalmot, partikular ang Davao City SWAT Team.
Tinguha sa kompetisyon nga masukod ang kapasidad sa SWAT team sa Pilipinas sa pagresponde depende sa managlahi nga stages. Lakip niini ang blind scenario, diin masukod ang team work ug taktika sa SWAT team.
Ang nahisgutan nga kompetisyon magsugod sa Marso 1 ug matapus sa Marso 3. Motambong sab niini si PNP Director Gen. Ronald Bato dela Rosa.
-- ADVERTISEMENT --
