DAVAO CITY – Gilunsad sa Police Regional Office (PRO 11) Davao Region ang National Civil Disturbance Management (CDM) Competition aron nga i-assess ug sulayan ang kaandam sa kapulisan sa pagdumala sa mass action ug public disturbance ilabi na sa nagsingabot nga mga dagkong events sa rehiyon.
Matud pa kang Police Senior Supt. Alexander Tagum, director sa Davao City Police Office (DCPO) tumong sa maong aktibidad nga ma-highlights ang kapasidad sa Philippine National Police (PNP) personnel ilabi na ang pagdumala sa mga street protesters.
Pipila sumala pa sa nga angayan nga pangandaman sa kapulisan ang gilangkuban sa Labor Day sa Mayo 1; Barangay ug SK election sa Mayo 14; selebrasyon sa Philippine Independence Day sa Hunyo 12; Filipino-American Friendship Day sa Hulyo 4; pag-abli sa klase sa Hunyo; ug State of the Nation Address (SONA) nga ginapahigayon matag ika-upat nga lunes sa Hulyo.
Ang kompetisyon gilangkuban sa pag-organisa sa CDM formations ug case-based scenarios gikan sa nagkadaiyang units sa Davao region.
Ang ilang performance ipailalom sa ebalwasyon base sa parameter ug criteria nga ilalom sa Police Operational Procedures (POP) ingon man pipila ka rules.
Gikanayon sab ni Police Chief Supt. Manuel Gaerlan, director sa Police Regional Office (PRO) 11 nga gawas sa skills sa kapulisan, subayon sab sa kompetisyon ang mga ekipo nga gamiton niini.
