DAVAO CITY – Angayan sumala pa nga istriktong ipatuman ang National Building Code sa pagtukod og mga gambalay aron masiguro ang kalig-on niini.
Kini ang usa sa gibutyag ni Davao del Sur Governor Douglas Cagas human nga daghanang mga gambalay sa Padada ang nangadaut human ang kusog nga pagtay-og sa milabay nga adlaw.
Sumala sa opisyal, angayan nga subayon pag-ayo sa mga structural engineers ang mga itukod nga gambalay aron nga dili kini daling madaut apan tungod sumala pa sa korapsiyon, daghanang mga kontraktor ang migamit ug mga dili lig-on nga materyales hinungdan nga dako sab ang damyos panahon nga adunay kalamidad sama sa linog.
Samtang una ng gibutyag ni Engr. Luke Caduyas, Municipal Disaster Risk Reduction and Management Office sa Padada nga anaa sumala pa sa maayo ang kondisyon sa nahagsa nga South Green Marketing luyo sa sunod-sunod nga mga pagtay-og kaniadtong bulan sa Oktubre apan tungod misubay sa tunga nga bahin sa gambalay ang liquefactions sa bag-ohay pa lamang nga magnitude 6.9 nga linog, nahagsa kini.
