-- ADVERTISEMENT --
Gitimbaya ni National Police Commission (NAPOLCOM) Vice Chairperson Atty. Rafael Calinisan si General Nicolas Torre III sa iyang pagtudlo isip bag-ong hepe sa Philippine National Police (PNP).
Sa usa ka pamahayag, gibutyag ni Calinisan nga suod niining nakatrabaho si Gen. Torre sa panahon nga kini District Director sa Quezon City Police District (QCPD).Tungod niini, kumpiyansa si Vice Chair Calinisan sa kapasidad ni Gen. Torre nga mangulo sa 225,000 ka miyembro sa Nasudnong Kapulisan ug mag-alagad nga matinud-anon sa katawhan.
Gipahayag usab ni Calinisan nga andam na siyang makatrabaho pag-usab si Gen. Torre ug mahimong kauban sa pagtubag sa mga bag-ong hagit sa panahon alang sa kaayohan sa mga Pilipino.
