DAVAO CITY – Migula karon sa gipahigayon nga imbestigasyon sa Davao City Police Office (DCPO) nga ang napatay nga carnapper atol sa nahitabong shoot-out sa Bypass road kagahapon sa kaadlawon mao sumala pa ang nag-unang suspetsado sa pagpatay sa usa ka binabaye o miyembro sa LGBT kaniadtong Marso 16 ning kasamtangang tuig.
Kahinumduman nga nakaplagan na lamang nga wala nay kinabuhi ang biktima nga si John Lester Quirog nga taga Rosario Agusan Del Sur sa Ulas Bridge alas 7:00 buntag nga naputos sa dinunggaban ang lawas niini nga maoy hinungdan sa iyang kamatayon.
Una na sab nga nailang suspek nga si Mossanip Jumdaini alias Kyle Eroy 20-anyos nga taga Muslim Village ,Bangkal kinsa napatay sa mga otoridad sa Talomo PNP kagahapon human nga mipakita sumala pa kini ug pagsukol dihang gisita kini sa kapulisan.
Narekober sa posisyon niini ang daghanang mga susi, mga orcr sa motorsiklo, mga IDs ug ang kinawat nga motorsiklo.
