-- ADVERTISEMENT --
DAVAO CITY – Gikabulabog sa katawhan palibot sa Barangay 74-A, Matina Crossing, Davao City ang usa ka kadudaduhang bag nga napalgan sa barangay hall kagahapon sa hapon, Mayo 10.
Gilayong nag-report ang usa ka residente mahitungod sa maong bagahe maong girespondehan dayon kini sa Explosive Ordnance Disposal Unit sa Talomo Police Station diin temporaryong gikordon ang area ug wala una gipaagian sa mga tao alang sa inspeksyon.
Sa ilang inspeksyon, nasayran nga negatibo kini sa mga eksplosibo ug nag-unod lamang kini og mga personal nga gamit lakip na scrap electrical wires.
Gikustodiya na sa Talomo Police ang maong bagahe samtang naglusad sab ang kapulisan og imbestigasyon aron masayran kon kinsa ang nanag-iya sa maong bagahe.
via || Bombo LJF
-- ADVERTISEMENT --
