Gikustudiya na karon sa kapulisan ang usa ka ginang human nga nadakpan kini tungod sa pagbaton niini og peke nga ID sa Person With Disability.
Subay sa report sa Sta. Ana PNP, giila ang dinakpan nga si alyas Flor nga residente sa Ula, Tugbok n ing dakbayan sa Davao.
Subay sa imbistigasyon sa kapulisan, pasado alas Dusi sa udto kagahapong adlawa,nasakpan sa verifier/encoder sa DSWD human nga midangop sa buhatan ang suspetsado ug mipresentar og pekeng PWD ID kung diin nakalatid ang iyang ngalan apan wala ki miguwa sa datus sa PDAO.
Nasayran usab nga ang ID number nga gamit sa dinakpan, iya sa laing indibidwal.
Tungod niini, dali nga gireport sa kadagkuan sa buhatan ang maong babaye nga niresulta sa hinanaling pag-aresto kaniya sa kapulisan.
Gikumpirma usab ni Redendo Martinez, opisyal sa Persons with Disability nakadawat siya og tawag gikan kang Gilda Saldaña, usa ka kawani sa PDAO, nga nangayo og beripikasyon sa pagkatawo sa maong indibidwal.
Ug sa dihang gisusi ang sistema, nasuta nga lahi ang ngalan nga narehistro kung itandi sa ngalan sa PWD ID nga gipakita sa buhatan.
Gikanayon usab sa opisyal nga subayon usab niini kung asa kini nagpahimo sa maong peke nga ID.
Tungod niini, mag-atubang og kasong paglapas sa Article 172 kun Falsification of Public Document ang 44-anyos nga babaye nga karon nagtingkagol sa Sta. Ana Police Station.
