DAVAO CITY – Malaumon ang mga residente sa Purok 20, Don Julian Village, Maa, Davao City nga mahatagan na sila ug relocation karon nga papahawa-on na sila sa ilang gipoy-an.
Nabalaka ang mga residente nga mahinayon gayud ang pagdemolis sa ilang mga pinoy-anan gumikan kay wala sila’y kabalhinan, labi na nga kadaghanan kanila mag-kinse ka tuig na nga nagpuyo sa dapit.
Nasayran nga napulo na ka mga pamilya sukad pa niining milabay nga semana. Mi-reklamo ang mga renters nga pugsanon nga gipangbongkag ang ilang mga gipoy-an nga mga balay.
Gitataw sa Barangay nga ang mismong tag-iya sa balay ang mibongkag sa ilang balay ug wala’y nahitabo nga demolisyon.
Gi-angkon sa mga residente nga 2014 pa nila nadawat ang forced eviction notice gikan sa tag-iya sa yuta.
Gitataw ni Kapitan Pacido Canete wala pa’y demolition order nga gipagula ang hukmanan.
Padayon sab sila nga nakig-alayon sa LGU aron nga mahatagan ug relocation ang mga apektadong pamilya.
