DAVAO CITY – Girekomenda sa Office of the City Prosecutor ang pagpasaka ug kaso sa korte batok sa usa ka lalaki nga gikanayong nangawat ug cellphone sa may Quezon Boulevard.
Mismong si Prosecutor Joy Bernales-Largo ang nagpagula ug kamandoan aron nga pasakahan si Bonifer Manulat ug kasong theft.
Matud pa sa reklamante nga si Christopher Abellana nga samtang okupado siya nga nag-repair sa iyang nadaut nga timing belt sa iyang multi-cab kalit sumala pa nga mibutho ang suspek ug gikuha ang iyang cellphone nga gibutang sa dashboard sa sakyanan.
Misinggit si Abella ug tabang dungan sa paggukod sa miikyas nga suspek.
Gikanayong adunay mga police officer sa maong dapit hinungdan nga na-corner ang suspek dayon gidala sa Sta. Ana Police Precinct.
Sa Gipagula nga resolusyon nga gi-aprubahan ni Maria Gemma Dabbay-Tambis, sad-an sa iyang salaod nga nahimo ang suspek gumikan kay lig-on ang nakitang basehan batok kaniya.
