Nangamatay nga mga Palestino sa Gaza gumikan sa pagpangataki sa Israel, mukabat na kuno sa 50,000

Gikabutyag nga mosobra na kuno sa 40,000 ka tawo ang namatay sa Gaza, sukad gipakusgan sa Israel ang ilahang kampanya.

Matod pa sa Hamas government, ang nahisgutang ihap ang dili pa kauban ang mga missing nga natabunan sa mga nahugnong building.

Nagpasabot kuno kini nga mosobra sa 50,000 katawo ang namatay sukad niadtong bulan sa Oktobre 7 nga pagpangataki sa Israel sa Gaza.

Gawas pa niini, adunay mukabat sa 92,401 katawo ang nasamdan kung diin kasagaran sa mga nahisgutan ang wala makadawat ug insaktong pagpanambal gumikan kay ubay-ubay sa hospital ang nangaguba.