DAVAO CITY – Subling gipahugtan sa kapolisan ang sobriety ordinance sa dakbayan sa Davao ang ordinansa magdili sa publiko sa pag-inum ug ilimnong makahubog sa mga pampublikong lugar bisan ug adlaw’ng daku, ug bisan sa gabii sa dili pa ang liquor ban.
Sa Talomo Police Station pito ka mga tawo ang gipangtunolan ug citation ticket human nga nangadakpan nga nag-inum daplin sa karsada.
Alas 11:45 kagabii na-abtan sa mobile 24 ug Traffic police sa Matina Aplaya ang mga dinakpan nga nanag-inum sa pathway sa San Juan Village, Seaside 2.
Sumala pa kang Police Chief Inspector Ronald Lao, hepe sa Talomo Police Station nga ang unang pagkadakop dunay multa nga mokabat ngadto sa tres mil ka pesos, sa second offense multa nga singko mil ka pesos o pagkapreso sulod sa tulo ka bulan ang atubangon sa masinupakon depende sa pagbuot sa hukmanan.
Ang ikatulo nga pagkadakop multa nga singko mil ka pesos o pagkapreso nga mo-abot sa usa ka tuig.
