Mikabat na sa hapit usa ka milyon ka mga Pilipino ang naka-benepisyo sa P20 matag kilo sa bugas nga programa sa administrasyon ni Presidente Ferdinand Marcos Jr. Sumala pa sa Department of Agriculture (DA), mokabat sa 2,105 metric tons (MT) nga barato nga bugas ang nabaligya na ngadto sa kapin 200,000 ka mga panimalay, base sa datos niadtong Hulyo 14.
Sa pagkakaron, anaa na ang P20/kilo nga bugas sa 162 sa 699 ka mga operational nga Kadiwa ng Pangulo (KNP) centers ug tindahan sa tibuok nasud.
Daghan pa usab nga lokal nga kagamhanan ang nakatakdang magpatuman sa maong programa.
Matod pa ni DA Assistant Secretary Arnel de Mesa, gitumong nga maapil sa programa ang kapin 15 milyong benepisyaryo.
Ang gibaligyang barato nga bugas ilawom sa programa nga Benteng Bigas Meron Na sa gobyerno maoy alang sa mga senior citizens, persons with disabilities (PWDs), solo parents, mga benepisyaryo sa Pantawid Pamilyang Pilipino Program (4Ps), ug Walang Gutom Program, apil na usab ang mga minimum wage earners.
