Natumbok na sa mga kapulisan ang lokasyon sa Bangkal nga kung diin nakita ang nag-viral nga video mahitungod sa fire works display atol sa pagsugat sa bag-ong tuig.
Sa gihimong follow-up mga imbistigasyon, nakita ang usa ka dark spot nga bahin sa agi-anan atubangan sa Block 4, Lot 25, Phase 1, NHA Bangkal, ning dakbayan nga duol sa pinuy-anan sa usa ka alias Boss Kadio.”
Apan sa gihimong pagsusi wala na ang tube launcher or housing materials sa maong dapit.
Gidudahan sa mga otoridad nga gihipos na ang kaha sa pabuto aron nga walay makita sa maong lugar.
Positibo usab nga gitudlo sa mga residente ang nahitabuan apan wala silay matumbok nga indibidwal nga nagpabuto.
Samtang gikanayon usab sa ubang residente ngalango matud pa sa makahubog nga ilimnon ang pipila kanila niadtong tungura rason nga wala nila nabantayan og kinsa ang nagpabuto sa pagsugat sa bag-ong tuig.
Sa eksklusibong pakighinabi sa Bombo Radyo Davao sa pipila ka residente sa naasoy nga dapit,ikatulo sila gibalik-balikan sa mga sakop sa Talomo PNP aron pugaon sila sa detalye,apan wala gayod silay kasayuran sa nahitabo matud pa.
Sa karon,di matud pa lung-an sa kapulisan ang mga nagpaluyo niini aron manubag ug mapasakahan og tukmang kaso.
Kung mapamatud-an ang usa ka indibidwal nga nagbuhat sa ingon, ilawom sa Ordinance 060-02 mao kini ang mga penalties nga tulbagon.
Alang sa First Offense: adunay multa nga ₱1,000 o imprisonment nga 20 to 30 days.
Sa second offense: multa nga ₱3,000 o imprisonment nga one to three months, ug sa Third Offense: multa nga ₱5,000 o imprisonment nga three to six months.
