DAVAO CITY – Nagkulang na matud pa ang supply sa dugo gumikan sumala pa sa daghanan nga nagkinahanglan niini.
Matud pa sa Red Cross Davao City Chapter, ang average daily demand sa dugo dinhi sa dakbayan ang anaa sa 80 ka blood bags apan anaa lamang sa 30 blood bags ang ilang mahatag.
Matud pa kang Gwen Clarisse Cachuela, Red Cross Davao City Chapter Service Representative nga dili lamang ang red cross ang nakasinate ug kakulangon sa supply sa dugo kung dili lakip na ang DOH Blood center.
Gikanayon ni Cachuela nga ang matag indibidwal mamahimo sumala pa nga makadonar ug 400 cc sa dugo.
Apan aduna sumala pay mga factors nga gikinahanglan ug ikonsidera ayha tugtan nga makadonar ug dugo sama na lamang sa pagsubay sa hemoglobin level.
Nasayran sab sa nahisgutan nga ayha sab modonar ug dugo, kinahanglan adunay igong oras sa pagpahulay ug tulog ug dili mo-inom ug alak ingon man tambal sulod sa 24 oras.
Angayan nga aduna matud pay igong kaon ug maka-inom ug daghanang tubig ang usa ka indibidwal sa higayon nga magdonar na ug dugo.
Sa kasamtangan nagapahigayon sumala pa ang Red Cross Davao Chapter ug blood donation promotion ingon man pag-edukar sa publiko aron nga awhagon ang mga nahisgutan sa kamahinungdanon sa pagdonar ug dugo.
