Gilunupan na usab ang mga nagkadaiyang bahin sa kadalanan ning dakbayan kagabii, partikular na sa bahin sa Laverna Hills Subdivision, Buhangin, lakip na usab ang Crossing Eliong Road sa Tibungco nga bahin, ug sa Cabantian Area, human nga mibundak ang kusog nga ulan.
Makita sa maong hulagway nga daw mura na usab kinig sapa gumikan sa padayong pagtaas sa tubig-baha sa maong kadalanan. Daghan usab nga mga residente ang nabalaka gumikan unsaon matud pa nila pagtabok og dili kini mahubas dayon.
Sagad sab sa ilahang mulo karun ngadto sa lokal nga panggamhanan nga unta matagaan matud pa kini ug sulosyon, labot niining sagunson na nga mga pagbaha ang natala dinhi sulod sa dakbayan, inay nga mag focus sa pulitika.
Subli sab nga ginapaigmat sa pipila ka mga hingtungdang ahensya ang mga residente nga naapektuhan niining mga sunod-sunod nga mga pagbaha, gumikan nabantayan na usab nga matag-gabii gayud matigayon ang kusog nga bundak sa ulan, diin muresulta kini sa hilabihang pag apaw sa mga tubig nga gikan sa kakanalan padulong sa mga nag-unang kadalanan ning syudad.
