DAVAO CITY – Padayon pa nga nadungagan karon ang ihap sa mga indibidwal nga nagpatala sa ilang reklamo ngadto sa Tagum City Police Station ug Highway Patrol Group Davao del Norte kalabot sa naghitak nga mga kinawat nga nga sakyanan sa nahisgutan nga dapit.
Una ng nasayran sa otoridad nga suspek sumala pa sa maong illegal nga aktibidad ang usa ka miyembro mismo sa Traffic Management Office (TMO) nga nailang si Jan Audie Perez.
Gikanayong nalambigit matud pa ang suspek sa “large scale Swindling and Estafa” si Perez kinsa residente sa Magugpo South, Tagum City.
Gikanayong nagabaligya ang nahisgutan ug mga barato nga sakyanan apan dili sumala pa kini kaniya samtang ang uban ang gipang-arkilahan lamang niya.
Gawas sa mga sakyanan, nagabaligya sab si Perez ug mga motorsiklo nga susama sab nga mga kinawat.
Sa kasamtangan, padayon nga gawasnon ang suspek hinungdan nga nanawagan ang otoridad ngadto sa mga nakaila sa nahisgutan nga makiglambigit lamang ngadto sa pinakaduol nga kapulisan.
Mamahimo sab sumala pa nga mutawag o mo-text sa numero nga 09985987101 ang uban pa nga mga biktima o adunay kasayuran sa gikabutngan karon sa suspetsado.
