Pasakahan ug kasong Malicious Mischief ang usa ka lalaki nga naaktuhan a usa ka netizen nga nagvandal sa coastal road ning dakbayan sa Davao.
Subay sa report gikan sa Ecoland PNP, gipanubayan na niini ang maong panghitabo human nga nakadawat kini ug impormasyon mahitungod sa gihimong pagsulat sa usa ka lalaki sa kilid sa coastal road gamit ang usa ka pintura.
Sumala pa sa mga otoridad nga sa ilahang pagberepika sa dapit nga adunay gisulat nga mensahe natumbok niini ang wala panganli nga suspetsado nga sumala pa sa kapulisan nga adunay problema sa iyahang kaugalingon ang usa ka lalaki.
Apan gipaklaro sa otoridad nga magpadayon gihapon ang ilahang pagpasaka ug kaso ug sa korte na niini pamatud-an sa pamilya ang giingon nga problema sa kaugalingon sa nasampit nga lalaki.
