DAVAO CITY – Gikatakda nga pasidunggan sa City Hall ang mga nag-unang real estate ug business taxpayers alang sa 2016.
Gikanayong ang listahan sa mga nominado ang gisumite sa City Mayor’s Office aron nga mahilakip sa Pasidungog Awardees.
Segun ni Davao City Investment Promotion Center (DCIPC) head Lemuel Ortonio nga sa kasamtangan, wala pa gipagula ang mga nag-unang taxpayers sa siyudad apan ang mga mapili pasidunggan sa ipahigayon nga “Pasidungog: Garbo sa Dabaw,” nga gikatakda sa Marso 13 isip kabahin sa kasaulogan sa ika-80th Araw ng Davao celebration.
Una ng gibutyag ni City Tourism Officer Regina Tecson nga buot ni Mayor Sara Duterte nga hatagan ug tokens ang pipila ka mga dabawenyo nga lakip na ang Top 10 taxpayers sa siyudad ug mga indibidwal o mga organisasyon nga adunay dakong kontribusyon sa siyudad ug katilingban kaniadtong milabay nga tuig.
Kahinumduman nga daghanang mga kompanya ang kanunay na nga makadawat ug susama nga pasidungog sa milabay nga mga selebrasyon sa Araw ng Dabaw.
