DAVAO CITY – Ligdong nga gikondena sa hugpong sa Catholic Faith Defenders ang drag performance ni drag queen Pura Luka Vega, apan dili ang pagkatawo sa nahisgutang performer.
Sumala ni John Diona, president sa CPD San Pedro Cathedral Chapter, ngadto sa Bombo Radyo Davao, ilang ginarespeto ang aspeto sa usa ka tawo bisan pa man kabahin kini sa sa LGBTQ+ community.
Pagpamatuod niini, giila sa Santo Papa nga si Pope Francis ang dignidad ug pagtuo sa mga myembro sa komunidad ngadto sa Simbahang Katolika.
Dugang pa, angayan sila sa respeto ug pagtagad sa simbahan taliwala sa nagkadaiyang perspektibo sama sa sakramento sa pagpakasal.
Apan, hugot sab niining gibarugan nga dili “appropriate” ang gihimo ni Pura Luka Vega nga matud pa, usa ka insulto alang sa mga tawo nga adunay pagtuo sa Ginoo.
Gi-kwestyon usab ni Diona si Vega kon ngano niini gihimo ang usa ka butang kung aduna ba kini pagtuo sa Ginoo, usa ka kini ka atheist, o buot lamang bastoson ang pagtuo sa Simbahan.
Hinuon, gipasabot sab ni Diona ang kamahinungdanon sa respeto isip common denominator diri sa kalibutan.
Naghandom ang Katolikong lider nga bisan pa man nga gitudlo sa simbahan nga higugmaon ang uban kaysa kaugalingon, dili unta kini magtukmod sa ubang tawo nga bugal-bugalon ang nagkandaiyang pagtuo sa Labawng Makakagagahum.
via || Bombo HJR & Bombo LJF
