DAVAO CITY – Nagpadayag karon ug kabalaka ang lalawigan sa Caraga Davao Oriental nga posibleng masinatian na sab ang outbreak sa Cholera sa pipila ka mga lugar kini human nga migula sa rectal exam sa unom ka mga residente sa Barangay Santiago ang positibo sa Cholera.
Nasayran nga halos nakagawas na sa balay tambalanan ang mga pasyente samtang pipila kanila sa balay na lamang nagpa-alim.
Gikanayong upat sa mga pasyente ang naga-inom ug tubig sa deep well ug ang uban ang sa Barangay water system sa lugar.
Nasayran nga gikan sa halos 600 ka mga pasyente, anaa lamang sa usa ang gimonitor nga anaa karon sa balay tambalanan sa Manay.
Kahinumduman nga wala una gipa-inom ug tubig gikan sa reservoir ang mga residente human ang cholera sa lugar.
Una na sab nga gideklara ang state of emergency sa lalawigan aron nga magamit ang pondo alang sa mga apektadong residente.
Wala na sab karon nadungagan ang mga natalang namatay nga anaa sa pito ka mga pasyente nga susamang nakasinate ug grabe nga dehydration.
