Giulan og batikos sa social media ang usa ka video nga mikatag online nga gipost usab sa usa ka netizen, diin makita sa maong footage nga adunay nadisgrasyang panel truck nga adunay mga kargang soft drinks sa Mawab, Davao De Oro.
Sa maong video, masaksihan nga samtang nagapaningkamot ang pipila ka mga tawo nga tabangan ang driver ug ang pahenante niini sa ilahang na disgrasyang panel truck, aduna usab mga laog sumala pa nga mga indibidwal ug mga motorista nga mihunong sa maong nadisgrasya nga mga truck ug gipangkawat ang mga nagkatag nga mga softdrinks.
Daghan nga mga netizen nga misaway sa maong panghitabo, ug gipang tawag kini sila nga mga laug ug mga kawatan, gumikan inay nga tabangan nga hiposon ang mga nagkatag nga softdrinks, gipangkawat na man hinuon.
Apan adunay mga residente duol sa maong dapit ang mitubag nga gihatag na lamang matud pa sa driver ang softdrinks maong kini gipangdiskarga apan hangyo lamang nga dili lamang matud pa dalaon ang case.
