DAVAO CITY – Gipasakahan na ug kasong kalapasa sa Republic Act 9287 o pagkalambigit sa Illegal Numbers Game ang usa ka lalaki human nga nangolekta kini ug patad sa “last two” sa Tibungco District, ning dakbayan sa Davao.
Una ng naila ang dinakpan nga si Johnny Lancien Galos, residente sa Alingit Tibungco.
Nasikop si Galos kaniadtong milabay nga semana sa Purok 11 Barangay Alingit human nga akto kini nga nasakpan sa kapulisan nga nangolekta ug patad sa last two.
Narekober sa posisyon niini ang tulo ka pads sa mga ginamit ug wala pa nagamit nga mga tally sheets, usa ka last two guide sheet, stub pad, ug six stub sheets.
Nakuha sab sa posisyon niini ang usa ka color flesh tupperware, black ballpen, ug salapi nga mokabat sa P530. Pinasikad sa resolusyon, adunay nakitang lig-on nga basehan si prosecutor Faizal Padate aron nga pasakahan ang dinakpan pinasikad sa gidusong reklamo ni Police Officer 1 Bryan Pequeño sa Bunawan police station.
