DAVAO CITY – Na-inquest na ang suspek nga nadakpan gumikan sa drug buy bust operation nga nailhan nga usa ka Orlan Rosales Saboseno, alyas Orlan, 26 anyos, nga taga-Block 96-D, Barangay 21, ning Dakbayan sa Davao.
Nadakpan ang nahisgutan nga suspek sa Barangtay Shanghai, Matina Aplaya, ning dakbayan sa Davao atol sa buy-bust operation sa pagpanguna ni PCI Oliver Navales, Station Commander sa Talomo Police Station inabagan sa iyang Drug Enforcement Unit sa nahisgutan nga Police Station.
Nasakmit gikan sa posesyon ni Saboseno ang Kinyentos ka pesos nga buy-bust money, sachet sa shabu, nakakuha sab ug lain pang gamay nga sachet sa shabu, kalakip sa nasakmit ang usa ka unit sa cellphone nga may phone and brand, kolor blue.
Nadakpan ug na-endorso sa Talomo Police Station ang dinakpan mga alas 12:30 kagahapon sa kaadlawon human madakpit sa kapolisan.
Kasong kalapasan sa Republic Act 9165 kon Comprehensive Dangerous Drug Act of 2002 ang gi-atubang sa dinakpan.
