DAVAO CITY – Pormal na nga napasaka-an ug kaso ang nagpa-ila nga sakop sa Bangsamoro Islamic Armed Forces (BIAF) nga nadakpan sa Sirawan Checkpoint sa Task Force Davao.
Kasong kalapasan sa Republic Act 10591 Comprehensive laws On Fire Arms and Ammunition.
Si Aladin Kusa Mamalinta, 22 anyos, negusyante naharang siya sa checkpoint sa Task Force Davao sa Sirawan, Toril samtang pasulod sa dakbayan sa Davao.
Si Aladin nga taga-Tamontaka 2, Cotabato City, nagmaneho sa Banit drop side dihang gi-hold sa Task Force Davao dihang nakuhaan sa iyang poder ug colt 45, magazine nga loaded ug pito ka mga bala, ug lain pang magazine nga kargado ug tulo ka mga bala.
Wala’y gikapakita nga mga dokumento ang dinakpan.
Bisan pa kung pananglitan dunay mga dokumento ang din akpan, dili gihapon kini mamahimo nga dawaton alang sa pagdaladala ug armas, gumikan kay ubos sa martial law karon ang tibuok Isla sa Mindanao.
Kasong kalapasan sa Comprehensive Laws On Firearms and Ammunition ang giduso nga kaso ubos sa inquest proceedings nga giduso kaganinang buntag sa City Prosecutors Office (CPO).
Sumala pa kang Col. Nolasco Menpin nga bisan kung nagpaila nga sakop sa BIAF wala gihapo’y mga gikinahanglan nga mga dokumento nga pamatuod nga legal ang paghupot niini ug armas, ug ID nga mopamatuod sab nga sakop kini sa BIAF.
