DAVAO CITY – Nadala sa balay tambalanan ang upat ka mga kalalakin-an human nga gipang-atangan ug gipangtigbas human nga nanag-inum kagabii sa Bankerohan, ning dakbayan sa Davao.
Naila ang mga biktima nga sila si Aljun Parsodilla, 23 anyos, residente sa Santo Niño, Bankerohan, ning dakbayan sa Davao, Alexander Parsodilla, 21 anyos, residente sa nahisgutan nga dapit, Joelbert Cordova, 19 anyos, residente sab sa Bankerohan, Jeliun Nardomas, 21 anyos, residente gihapon sa nahisgutan nga dapit.
Ang nahisgutan nga mga biktima nakahi-agum ug mga samad tinigbasan sa ilang kalawasan nga bahin.
Alas pasado kagabii atol sa paggawas sa mga biktima kalit na lamang sila nga gipang-atangan sa nga suspetsado ug wala daghan nga pupangutana gipangkulata ug gipangtigbas sa mga suspek.
Human sa krimin dali nga miikyas ang mga suspek samtang ang mga biktima gisapopo sa Rescue 911 ug gipangdala sa Southern Philippines Medical Center (SPMC).
