Nasikop sa mga operatiba sa Bansalan Municipal Police Station ang usa ka Most Wanted Person nga giilang miyembro sa Communist Terrorist Group (CTG) nga nailhan sa alyas “Sion”, atol sa operasyon alas 5:45 sa hapon sa Sitio Santo Niño, Barangay Central, Surallah, South Cotabato, bag-ohay lang.
Si alyas “Sion”, 30 anyos, minyo, ug lumad sa Koronadal City, South Cotabato, mao ang kanhing vice commanding officer sa SROC, FSMRC sa CTG ug PSRL kaniadtong 2015.
Aduna kini daghang warrant of arrest alang sa mga kaso nga Arson, Arson by a Syndicate, Grave Threats, ug Attempted Murder, nga gipagawas sa RTC Branch 21 sa Bansalan, Davao del Sur, uban sa kabuuang piyansa nga kapin P400,000.
Gidala na ang suspek ngadto sa PRO 12 aron atubangon ang mga kasong kriminal nga gisang-at batok kaniya.
