DAVAO CITY – Anaa na karon sa isolation si Municipal Administrator Atty. Elisa Evangelista-Lapiña sa Santo Tomas, Davao del Norte human kini natakdan ug makamatay nga virus.
Una ng gibutyag ni Municipal Information Officer Mart Sambalud nga na-expose ang nahisgutan sa usa ka tawo nga nagdala ug virus atol sa ilang gipahigayon nga meeting.
Nakasinate sumala pa ang nahisgutan ug mild symptoms sama sa ubo, kalintura ug sore throat apan anaa sa maayo ang kondisyon.
Sa kasamtangan gipahigayon na matud pa sa Epidemiology Surveillance Unit sa Municipal Health Office ang contact tracing sa mga tawo nga nakahimamat sa municipal administrator.
Gipasalig sab ni Lapiña nga padayon ang ilang trabaho pinaagi sa online aron nga dili maapektohan ang paghatag ug serbisyo ingon man operasyon sa Santo Tomas local government bisan pa man nga naka-isolate kini.
