Multicab, ugdaw human nga mikalit sa pag sila-ob

DAVAO CITY – Ugdaw ang usa ka multicab pasado alas 12 ganihang udto sa kanto Nova Tiera, Lanang D.C. atubangan mismo sa usa ka fast food chain.

Ang multicab, usa ka pasaheroan nga dunay plaka nga LWF 206 nga gimaniho ni Johnlery Navales Evangelio.

Gikan sa downtown area ang multicab nga namasada padulong sa Sasa, apan pag-abot sa maong lugar kalit na lamang sumala pa mi-aso ang makina ug mi-silaob, hinungdan nga mikaratil sab ug kanaog ang mga pasahero niadtong tungura.

Sumala sa Lanang Fire station, Electrical Short Circuit ang hinungdan sa sunog nga hilabihang ugdawa ug wala na masalbar pa sa kabomberohan.

Wa pa masayri kung pilay danyos sa maong insidente.